काठमाडौँ । भारतको भोपालस्थित हमिदिया अस्पतालमा आगलागी हुँदा चार नवजात शिशुको मृत्यु भएको छ । कमला नेहरु भवनको तेस्रो तलामा रहेको बाल विभागमा आगलागीमा हुँदा नवजात शिशुहरुको मृत्यु भएको भारतीय सञ्चारमाध्यमले उल्लेख गरेका छन् ।

स्थानीय समयअनुसार गएराति ९ बजेदेखि लागेको आगो तीन घण्टापछि मात्र नियन्त्रणमा लिइएको थियो । वार्डमा ४० बच्चा राखिएकोमा ३६ जनालाई सुरक्षित निकालिएको अस्पताल प्रशासनले जनाएको छ ।

आगलागीमा परी ज्यान गुमाएका शिशुका परिवारलाई मध्यप्रदेश सरकारले ४–४ लाख रुपैयाँको आर्थिक सहायता दिने घोषणा गरेको छ । हालसम्म पनि आगलागीको कारण भने खुलिनसकेको बताइएको छ ।