काठमाडौँ । नेकपा एमालेका नवनिर्वाचित अध्यक्ष केपी शर्मा ओलीले पछिल्लो समय राष्ट्रिय राजनीतिमा देखिएको समस्या समाधानका लागि जनादेशमा जानुपर्ने बताउँनुभएको छ । शुक्रबार(आज) थापाथलीस्थित पार्टीको केन्द्रीय कार्यालयमा पद बहाली गर्ने क्रममा उहाले उक्त कुरा बताउँनुभएको हो ।

अध्यक्ष ओलीले गठबन्धनले निकास दिन नसक्ने बताउँदै अहिले देखिएको समस्या समाधानका लागि ताजा जनादेशमा जानुको विकल्प नरहेको बताउँनुभयो । ओलीले सरकार चौतर्फी असफल भएको आरोप लगाउनुभयो ।

यसैगरी अदालतमा देखिएको समस्या अघि न पछि भएको उहाले टिप्पणी गर्नुभयो । ’अदालतको गतिरोधको निकास आउँदैन । गठबन्धनबाट पनि यसको आश गर्न सकिन्न । फैसलाका लागि ताजा जनादेश नै आवश्यक छ ,’ उहाँले भन्नुभयो ।

केही समयमै एमाले जिल्ला अधिवेशनतिर जाँदैछ । चितवनमा दसौं महाधिवेशनका निर्णयहरु निर्वाचन आयोगमा आज बुझाउन लागिएको महासचिव शंकर पोखरेलले बताउँनुभएको छ ।