काठमाडौं । ओस्कार जित्ने पहिलो अश्वेत अभिनेता सिड्नी पोइटियरको निधन भएको छ । उनको बिहीबार ९४ वर्षको उमेरमा निधन भएको हो ।  पोइटियरको मृत्युको समाचार बहामियन विदेश मन्त्रालयले दिएको हो ।

उनी बहामासको एक गरिब परिवारमा जन्मेका थिए, तर उनले आफूलाई संसारको शीर्ष अभिनेताहरू मध्ये एक बनाए । सन् १९६३ मा बनेको फिल्म लिलीज अफ द फिल्डमा उनले उत्कृष्ट अभिनेताको ओस्कार जितेका थिए ।

उनले ‘टू सर विथ लभ’, ‘इन द हीट अफ द नाइट’ र ‘गेस हू इज कमिङ टु डिनर’ लगायत फिल्ममा काम गरेका थिए ।