काठमाडौँ । स्वास्थ्य तथा जनसंख्या मन्त्रालयले स्थानिय तह निर्वाचनको दिन ३० वैशाखमा कोभिड–१९ विरुद्धको खोप अभियान सञ्चालन नहुने जनाएको छ ।

३० वैशाखमा हुने स्थानीय तहको निर्वाचनमा स्वास्थ्यकर्मीहरु समेत परिचालन हुने र स्थानीय स्वास्थ्यकर्मीहरुले पनि आफ्नो मताधिकार प्रयोग गर्नुपर्ने भएकोले सो दिन खोप कार्यक्रम बन्द हुने मन्त्रालयले बताएको छ ।

मन्त्रालयले आज प्रेस विज्ञप्ति जारी गर्दै चुनावको अघि र पछिका दिनहरुमा खोप केन्द्रमा नियमित खोप अभियान सञ्चालन हुने जानकारी दिएको हो ।

छिमेकी मुलुक भारतमा कोराना संक्रमण बढ्दै गइरहेको भन्दै मन्त्रालयले सतर्कता अपनाउन भने आग्रह गरेको छ ।