काठमाडौं । नेपाल राष्ट्र बैकका गभर्नर महाप्रसाद अधिकारीले कोराना महामारीको कारण संकटमा परेको अर्थतन्त्रलाई चलायमान बनाउन मौद्रिक नीतिले सहयोग गर्ने बताउनु भएको छ । सकेसम्म सबै व्यवसायिक क्षेत्रलाई राहत पुग्ने गरी मौद्रिक नीति आएकोले यसबाट सबै क्षेत्र लाभान्वित हुने उहाँले बताउनु भयो ।

नेपाली रेडियो नेटवर्कको अर्थ सम्वाद कार्यक्रममा बोल्दै गर्भनर अधिकारीले उद्यम व्यवसाय पुनरुत्थानका लागि चालू पूँजी कर्जा, सहुलियतपूर्ण कर्जा र पुनर्कर्जाको विशेष व्यवस्थाले अर्थतन्त्र चलायमान बनाउन सहयोग पुग्ने गर्ने बताउनु भयो ।

कोभिडको महामारीबाट समस्यामा परेको अर्थतन्त्रको पुनर्रुत्थानको लागि राष्ट्र बैकले सक्दो प्रयास गरेको उल्लेख गर्दै गभर्नर अधिकारीले यो समस्याबाट बाहिर निस्कन सबैको साझा प्रयास आवश्यक भएको धारणा राख्नुभयो ।

गभर्नर अधिकारीले कोरोना कहिले टुङिने भन्ने कुनै निश्चिित नभएकोले सबैले सुरक्षित ढंगले काम गर्दै यसको प्रभावबाट अवतरण गर्दै जानुको विकल्न नभएको बताउनु भयो ।

बाह्य प्रभाव तथा प्रतिकुल प्राकृतिक समस्याका बीचमा मौद्रिक नीति आएको बताउँदै उहाँले यसको कार्यान्वयनको लागि राष्ट्र बैंकले अधिकतम प्रयास गर्ने बताउनु भयो ।

अन्तरर्वार्ताको थप विवरण तलको लिंकमा हेर्न सक्नुहुनेछ ।

 

https://www.facebook.com/watch/live/?v=821485261989261