काठमाडौं । नेकपा एमालेका नेता शेरबहादुर तामाङले जनार्दन शर्माले राजीनामा दिएर राम्रो गरेको बताउनुभएको छ । यस्ता विषयहरुको इश्यु सार्वजनिक रुपमा उठिसकेपछि छानबिन प्रक्रियालाई सहज वातावरण गराउनका लागि यो कदम आवश्यक रहेको बताउँदै धेरै अगाडि दिनुपर्ने राजीनामा ढिलै भए पनि दिएर राम्रो गरेको बताउनुभएको हो ।

नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै नेता तामाङले भन्नुभयो, ‘उहाँले (जनार्दन शर्मा)ले धेरै अगाडि राजीनामा दिनुपथ्र्यो तर धेरै अड्किनुभयो । त्यहाँको सीसीटीभी फुटेज मेटिएछ भनेर जुन खालको अर्थमन्त्रालयको वक्तव्य आएको छ यो गम्भिर कुरा हो, यसमा फैजदारी अभियोग लाग्ने प्रकृतिका चिजहरु भएको छ । अब संसदीय समितिले छानबिन गरेर रिपोर्ट ल्याउछ, त्यो रिपोर्ट आएपछि सथ्य तथ्य हेर्न बाँकी छ ।’

नेता तामाङले बजेटमा मुलुकलाई लुटेर खाने प्रवृति देखा परेको पनि दाबी गर्नुभयो । गलत र बेइमानी गर्ला भनेरै सीसीटीभी राख्ने चलन आएको बताउँदै तामाङले सोहि सीसीटीभी मेटियो भन्नु सरकारी किर्ते भएको आरोप लगाउनुभयो ।