एजेन्सी । इजरायल र प्यालेस्टाइन विद्रोही समूहबीच युद्धविराम भएको छ । इजिप्टको मध्यस्थतामा दुवै पक्षबीच गएरातिदेखि युद्ध विराम भएको हो ।
इजरायलका प्रधानमन्त्री याइर लापिड र प्यालेस्टाइन इस्लामिक जिहादका लडाकु दुवैले युद्ध विराम भएको बताएको बीबीसीले जनाएको छ ।
इजरायल र प्यालेस्टाइन विद्रोहीबीच तीन दिनसम्म चलेको हिंसामा परी १५ बालबालिकासहित ४४ जनाको मृत्यु भएको समाचारहरू सार्वजनिक भएका छन् । अन्तर्राष्ट्रिय समाचार एजेन्सीहरूले यसलाई सन् २०२१ मा ११ दिनसम्म चलेको लडाईंपछिकै ठुलो हिंसा भनेका छन् ।
गत सोमबार इस्लामिक जिहादका प्रमुख बसिम सादीलाई जेनिन क्षेत्रबाट इजरायलले पक्राउ गरेपछि तनाव सुरु भएको थियो ।
