काठमाडौं । नेकपा एमालेका अध्यक्ष केपी शर्मा ओलीले आफ्ना पूर्व सहकर्मी पुष्पकमल दाहाल प्रचण्डले आफूमाथि घात गरेको बताउनुभएको छ ।

राजधानीमा आयोजित कार्यक्रमलाई सम्बोधन गर्दै उहाँले नेकपाकालीन अवस्थामा कार्यकारी अध्यक्षको पद दिएपछि प्रचण्डले आफूमाथिनै घात गरेको बताउनुभएको हो । माओवादी केन्द्रका चितवनका नेता यमबहादुर परियारलाई पार्टी प्रवेश गराउँदै उहाँले यस्तो बताउनुभएको हो ।

‘मैले प्रचण्डलाई आउनुस् मित्र एकीकृत पार्टी बनाउँ बलियो वामपन्थी शक्ति बनाउँ भनेर अध्यक्ष बनाउँदै नजिक राखेँ। म एकता एकीकरण भन्ने तर प्रचण्डले मैले दिएको वरदान प्रयोग गरेर मलाई साधारण सदस्यबाट निकाले मलाई भष्म बनाउन खोजे।’

प्रचण्डले अँगालो मारेर छुरा प्रहार गरेको ओलीको टिप्पणी छ।