काठमाडौं । मन्त्रिपरिषद् पुनर्गठनबारे छलफलका लागि नेपाली कांग्रेसका सभापति शेरबहादुर देउवा बालुवाटार पुग्नुभएको छ ।

देउवासँगै उपसभापति पूर्णबहादुर खड्कापनि बालुवाटार जानुभएको छ। बालुवाटारमा प्रधानमन्त्री प्रचण्डले नेताहरुसँग अनौपचारिक छलफल राखेकोले देउवा त्यहाँ पुग्नुभएको हो । छलफलमा देउवासहित नेकपा एकीकृत समाजवादी र गठबन्धनका अन्य नेतासमेत सहभागी हुने बताइएको छ ।

प्रचण्डले पुस १० भित्र मन्त्रिपरिषद्लाई पूर्णता दिएपनि हालसम्म ठोस सहमति भइसकेको छैन । पुस १० को डेडलाइन आएसँगै प्रचण्डले छलफललाई तिव्रता दिनुभएको हो । यसअघि बुधबार पनि प्रचण्डले गठबन्धनमा छलफल गर्नुभएको थियो ।