काठमाडौं । पूर्वराजदूत विजयकान्त कर्णले प्रधानमन्त्री पुष्पकमल दाहाल प्रचण्डको भारत भ्रमणमा गरिएका सम्झौतालाई राष्ट्रघाती भन्नु उचित नहुने बताउनुभएको छ ।

नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै कर्णले एमालेका नेताहरुको बुद्धि बिग्रेर राष्ट्रघाती काम भनेको तर्क गर्नुभयो ।

भ्रमणका क्रममा भएका सम्झौताहरुबारे स्मरण गराउँदै भारतसँग दुई दशकमा नभएका सम्झौता प्रचण्डले गरेको दाबी गर्नुभयो । प्रचण्डको यसपटकको भ्रमण अत्यन्त महत्वपूर्ण भएको बताउँदै उहाँले दुई दशकमा नभएका सम्झौता अहिले भएको दाबी गर्नुभयो ।

एमाले नेता भीम रावलले राष्ट्रघाती भनेको प्रसंगमा कर्णले भीम राववले बिहान उठेदेखि साँझसम्मै भारतको विरोध गर्ने गरेको आरोप लगाउनुभयो ।

कुतर्क मात्र गर्दै आएको बताउँदै रावलको भारतप्रतिको सोच नै गलत र अचम्मको रहेको टिप्पणी गर्नुभयो । बिहानदेखि साँझसम्म राष्ट्रवादको गीत गाएर बस्नेहरुबाटै नेपाल बर्बाद भएको समेत कर्णले आराप लगाउनुभयो ।