२०८३, श्रावण ११ गते
- यो साता चर्चामा :
काठमाडौं । आज आकस्मिक रुपमा बसेको मन्त्रिपरिषद् बैठकले केही निकायमा नियुक्ति गरेको छ । सामान्यतया बैठक सोमबार र बिहीबार बस्थ्यो । यद्यपि, प्रधानन्त्री केपी शर्मा ओलीले आज बिहान ११ बजेका लागि बैठक बोलाउनुभएको थियो ।
पार्टी (सत्तारुढ नेकपा)को सुझावअनुसार मन्त्रिपरिषद् हेरफेर गर्नुअघि ओलीले आज आकस्मिक बैठक राखेको चर्चा भएको थियो ।
तर, मन्त्रिपरिषद्मा मन्त्रिपरिषद् फेरबदलबारे कुनै छलफल नभएको नै नभएको बालुवाटार उच्च स्रोतले जनाएको छ । 'केही निकायमा अत्यावश्यक नियुक्तिहरु भने भएका छन्’, स्रोतले भन्यो ।
आजको मन्त्रिपरिषद् बैठकले कृषि अनुसन्धान परिषद् (नार्क)को कार्यकारी निर्देशकमा डा. दीपक भण्डारीलाई नियुक्त गरेको छ ।
त्यस्तै, बैठकले नेपाल र इजरायलबीच कृषि प्रविधि हस्तान्तरण सम्बन्धी सम्झौतामा गर्न इजरायलयका लागि नेपाली राजदूत डा. अञ्जान शाक्यलाई अख्यियारी दिएको छ ।
मन्त्रिपरिषद् बैठकअघि नेकपाका अध्यक्षसमेत रहेका प्रधानमन्त्री ओली र अर्का अध्यक्ष पुष्पकमल दाहाल प्रचण्डबीच छलफल भएको थियो ।
