काठमाडौं । नेपाली कांग्रेसका सहमहामन्त्री फर्मुल्लाह मन्सुरले मुस्लिम समुदायको हक अधिकारका निम्ति संविधान संशोधन अपरिहार्य रहेको बताउनुभएको छ ।

नयाँ संविधान बनेपछि राज्यको सबै अंगमा जनसंख्याका आधारमा समानुपातिक प्रतिनिधित्व हुने सुनिश्चितता गरिए पनि मधेस र लुम्बिनीबाहेकका प्रदेशमा मुस्लिम समुदायले समानुपातिक प्रतिनिधित्व नपाएको नेता मन्सुरको भनाइ छ ।

नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै उहाँले मुस्लिम समुदायको राजनीतिक, आर्थिक, सामाजिक अधिकार र प्रतिनिधित्वका लागि संविधानमा संशोधन गर्न आवश्यक रहेकोमा जोड दिनुभएको हो ।

सहमहामन्त्री मन्सुरले शासन, प्रशासन र राजनीतिमा वर्षौंदेखि कब्जा जमाएको वर्गले मुस्लिमलगायत थारु, जनजाति र मधेसीलाई अधिकार दिनमा कन्जुस्याइँ गरेको आरोप समेत लगाउनुभएको छ ।