२०८३, श्रावण १० गते
- यो साता चर्चामा :
काठमाडौं । नेपाली कांग्रेसका नेता दीपक खड्काले प्रधानमन्त्री पुष्पकमल दाहाल प्रचण्डको राजीनामा आवश्यक नभएको बताउनुभएको छ ।
नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै नेता खड्काले विपक्षीले माग्दैमा प्रधानमन्त्रीले राजीनामा दिनु नपर्ने बताउनुभएको हो ।
एमालेले के के भन्दै जान्छ, कांग्रेस त्यसको पछि लाग्ने पार्टी नभएको दाबी गर्दै नेता खड्काले प्रचण्डलाई गठबन्धन दलले प्रधानमन्त्री बनाएकाले गठबन्धनले राजीनामा नमागेको र अहिलेको आवश्यकता पनि नभएको स्पष्ट पर्नुभयो ।
प्रधानमन्त्रीले कुन सन्दर्भमा र केका लागि त्यस्तो भन्नुभयो भन्नेबारे स्वयं प्रचण्डले नै जवाफ दिनुपर्ने बताउँदै नेपालको प्रधानमन्त्री दिल्लीले बनाउने भन्ने कुरा नहुने स्पष्ट पार्नुभएको छ ।
