काठमाडौं । नेकपा एमालेकी सचिव पद्मा अर्यालले वर्तमान गठबन्धनले देश विकाशका लागि केहि पनि गर्न नसकेको आरोप लगाउनुभएको छ ।

नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै पूर्वमन्त्री समेत रहनुभएकी अर्यालले अहिलेको स्वार्थ केन्द्रित गठबन्धनले देश र जनताको पक्षमा यो ग¥यो भन्ने केहि पनि नदेखिएको स्पष्ट पार्नुभयो ।

आफ्नो स्वार्थका लागि निती, नियम र विधीको वेवास्ता गरेर लापरबाहि ढंगले सत्ता सञ्चालन गरिरहेको गठबन्धनका कारण देश विकाशमा बाधा पुगेको बताउनुभयो ।

यस्तै अर्यालले राज्य सञ्चालकलाई जवाफदेहि बनाउन र सहि मार्गमा हिडाउँनका लागि जनता र प्रतिपक्षले शशक्तरुपमा आवाज उठाउनुपर्नेमा जोड दिनुभयो । एमालेले यो विषयमा जिम्मेवारी र गम्भिरतापूर्वक आफ्नो जवाफदेहिताका साथ कुरा उठाएको समेत उहाँको दाबी छ ।

अर्को प्रसंगमा सचिव अर्यालले आफ्नो पार्टीमा नयाँ सदस्यता आवेदन फारम भर्नेको आकर्षण बढेको दाबी गर्नुभएको छ । केहिको मृत्यु भएको केहि विदेशीएको भएको कारण पुराना केहि घटे पनि नयाँमा भने आकर्षण बढेको दाबी गर्नुभएको हो ।