२०८३, श्रावण ११ गते
- यो साता चर्चामा :
काठमाडौं । नेकपा एमालेका नेता सूर्य थापाले गृहमन्त्री नारायणकाजी श्रेष्ठले भ्रष्टाचारीलाई कारबाही गरे भनेर धक्कु लगाउनु हास्यास्पद रहेको बताउनुभएको छ ।
नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै नेता थापाले सुनकाण्डमा जो सबैभन्दा भ्रष्ट छ, उसैले धक्कु लगाउन बन्द गर्नुपर्ने तर्क गर्नुभयो ।
सुन काण्डबारे उच्चस्तरीय छानिबन गर्नुपर्ने माग गर्दै नेता थापाले धक्कु लगाएका भरमा भ्रष्टाचारविरोधी नभइने बताउनुभयो ।
नारायणकाजीजस्तो पाखण्डी र ठूला कुरा गर्ने, स्टन्टबाजी गर्ने र नैतिकहराम मान्छे आफूले गृहप्रशासनमा अहिलेसम्म नदेखेको समेत नेता थापाको भनाइ छ ।
यस्तै सुन बरामद प्रकरणमा गृहमन्त्री श्रेष्ठ र अर्थमन्त्री प्रकाशशरण महतले नैतिक जिम्मेवारी लिनुपर्ने समेत उहाँले बताउनुभएको छ ।
