२०८३, श्रावण ११ गते
- यो साता चर्चामा :
काठमाडौं । नागरिक समाजका अगुवा डा. सुन्दरमणि दीक्षितले सुन तस्करीमा उच्चस्तरीय छानबिन समिति बनाउनु देश र जनतामाथिको धोका भएको बताउनुभएको छ ।
नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै दीक्षितले उच्चस्तरीय भन्नु नै धोकामाथि धोका भएको तर्क गर्नुभयो ।
चार–पाँच जना पूर्व प्रधानमन्त्री भ्रष्टाचारमा मुछिएको र प्रधानमन्त्रीको स्तरमा पुगेको व्यक्ति नै भ्रष्टाचारी भएपछि देश चौपट हुने भएकाले अब कस्लाई विश्वास गर्नु भन्दै उहाँले प्रश्न समेत गर्नुभएको छ ।
यस्तै उहाँले संसद्को चौथो र पाँचौ दल रास्वपा, राष्ट्रिय प्रजातन्त्र पार्टीले भ्रष्टाचारको विरोध गर्छन् भनेर एमालेले नचाहिने माग राखेर संसद् अवरोध गरेको पनि आरोप लगाउनुभयो ।
यस्तै दीक्षितले सुनकाण्डमा कृष्णबहादुर महराका बाबुछोरालाई समात्दै नसमातेको र ललिता निवास प्रकरणमा माधव नेपाल र बाबुराम भट्टराईको घरमै बयान लिएर साक्षी बनाइदिएको बताउनुभयो । प्रधानमन्त्री पुष्पकमल दाहाल प्रचण्ड महाका भ्रष्टाचारी भएको डाक्टर दीक्षितको आरोप छ ।
