काठमाडौं । नेकपा एमाले सुदूरपश्चिम प्रदेश कमिटीको नेतृत्व चयनका लागि आज मतदान हुँदैछ । निर्वाचन तालिकाअनुसार आज बिहान उम्मेदवारी दर्ता, प्रारम्भिक नामावली प्रकाशन र उम्मेदवारको विरोधमा उजुरी दिने सकिनेछ ।

यस्तै एमालेका नेता कर्णबहादुर थापाले पार्टीको सदूरपश्चिम प्रदेश अधिवेशनमा गुटगत गतिविधि नभएको दाबी गर्नुभएको छ । नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै पूर्व मन्त्री समेत रहनुभएका थापाले सर्वसम्मति नभए निर्वाचन अनिवार्य हुने बताउँदै त्यहाँ पार्टी अध्यक्ष र महासचिवको कुनै उम्मेदवार नभएकादले कुनै पनि पक्षधरता नलिने र प्रतिनिधिले विवेकको प्रयोग गर्ने र गुटगत गतिविधि नहुने विश्वास व्यक्त गर्नुभयो ।

आफूहरुले सर्वसम्मतिको प्रयास गरिरहेको नेता थापाले स्पष्ट पार्नुभयो । निर्वाचन तालिकाअनुसार आज बिहान उम्मेदवारी दर्ता, प्रारम्भिक नामावली प्रकाशन र उम्मेदवारको विरोधमा उजुरी दिने सकिनेछ ।

उम्मेदवारी फिर्ता गर्न साढे १२ बजेदेखि २ बजेसम्मको समय तय गरिएको छ । दिउँसो साढे २ बजे उम्मेदवारको अन्तिम नामावली प्रकाशन हुनेछ । बेलुकी ५ बजेदेखि मतदान शुरु गर्ने तयारी छ ।

एमालेको सुदूरपश्चिम प्रदेश अध्यक्षका लागि तीन जना कृष्णप्रसाद जैसी, वचनबहादुर सिंह र कमल तिमिल्सिनाको चर्चा छ । एमालेले यसअघि मतदानबाट लुम्बिनी, बाग्मती, कर्णाली, कोशी, र गण्डकी प्रदेशमा नेतृत्वको टुङ्गो लगाएको छ भने उपत्यका विशेष प्रदेश कमिटीको पदाधिकारी सर्वसम्मत चयन भएका छन् ।