काठमाडौं। गायिका रीता थापा मगरको मौलिक लोक गीत “ए आमा जाम भन्यो मलाई” सार्वजनिक भएको छ। राष्ट्रिय लोक तथा दोहोरी गित प्रतिष्ठान नेपालका केन्द्रिय अध्यक्षसमेत रहेकी गायिका थापाको गाउँघरमा बोलिने मौलिक र ठेट भाषालाई टपक्कै टिपेर गितमार्फत बजारमा ल्याएकि हुन्।

आजभन्दा झण्डै दुई दशक पहिला मादल र तालीको साहारामा दर्जनौं कार्यक्रममा प्रस्तुत गर्दै आएको उक्त गीतलाई केही केही परिमार्जनसहित बजारमा ल्याएको दुई दिनमै युटुबको ट्रेन्डिङमासमेत पर्न सफल भएको छ ।

गीतमा गाउँले युवति लाहुरेको माया जालमा फसेको कथालाई उठान गरिएको छ। गीतमा थापाको आवाज, एकनारायण भण्डारीको शब्द, स्यम्ब थापाको संगित रहेको छ भने म्युजिक भिडियोमा चर्चित गायक तथा मोडल प्रकाश सुपुत र सनिषा भट्टराईको मुख्य भुमिका रहेको छ।

गितमा मौसम हिमालीको निर्देशन,बुद्व थापाको छाँयाङकन र मनोज कार्किको सम्पादनमा रहेको गित भने रिता थापा मगर अफसियल युटुब च्यानलबाट सार्बजानीक गरिएको छ।

पुरा गीत हेर्न र सुन्न यहाँ क्लिक गर्नुहोस्ः