२०८३, श्रावण १३ गते
- यो साता चर्चामा :
काठमाडौं । राष्ट्रिय प्रजातन्त्र पार्टी (राप्रपा)का अध्यक्ष कमल थापाले तीन बहिनीको हातबाट भाइटीका लगाउनुभएको छ ।
थापाले बहिनीहरू बिमला विष्ट, रीता थापा र बशु कार्कीको हातबाट दाजु नेत्रबहादुर र भाइ गणेश थापासहित टीका ग्रहण गर्नुभएको हो ।
विदेशमा रहेकी बहिनी शान्तु अधिकारीलाई टाढाबाटै आशीर्वाद दिएको थापाले सामाजिक सञ्जालमा लेख्नुभएको छ ।
‘दिदीबहिनी दाजुभाइबीच माया, सद्भाव र आत्मियताको रमाइलो पर्व भाइटीकाको अवसरमा सबै दिदीबहिनीमा हार्दिक मंगलमय शुभकामना’, उहाँले लेख्नुभएको छ, ‘बहिनीहरु विमला विष्ट, रीता थापा र बशु कार्कीको हातबाट दाजु नेत्रबहादुर र भाइ गणेश थापासहित टीका ग्रहण गरियो । विदेशमा रहेकी बहिनी शान्तु अधिकारीलाई टाढाबाटै आशीर्वाद !’
