२०८३, श्रावण १० गते
- यो साता चर्चामा :
काठमाडौं । नेपाली कांग्रेसका नेता उदयशमशेर जवराले वर्तमान गठबन्धन आगामी निर्वाचनसम्मै रहने दाबी गर्नुभएको छ ।
संसदका दुई ठुला दल कांग्रेस र एमाले सरकारमा जानको लागि मात्रै एक नभएको स्पष्ट पार्दै नेता जवराले देशको विकास गर्न शुसासन कायम गर्न र जनताको मुद्दालाई शसक्तरुपमा उठान गर्नको लागि भएकाले यी कामहरु पूरा गरेर देखाउने प्रतिवद्धता जनाउनुभयो ।
पछिल्लो समय प्रतिपक्ष दलले सरकार असफल भयो, धेरै टिक्दैन भन्ने लगायतका विभिन्न किसीमका अफवाहहरु फलाइरहेको आरोप लगाउँदै उहाँले सरकारबाट बाहिरनुपरेको पिडामा आक्रोश पोख्नुबाहेक अरु नभएको स्पष्ट पार्नुभयो ।
वर्तमान सरकार सहमति अनुसार नै चलिरहेकाले आगामी निर्वाचन सम्मै रहनेमा कुनै पनि शंका नरहेको उहाँको दाबी रहेको छ ।
यस्तै अर्को प्रसंगमा उहाँले सरकारले ल्याएको अध्यादेशमध्य भूमिसम्बन्धि अध्यादेशमा सरकारको केहि कमजोरी भएको स्विकार गर्नुभएको छ ।
भूमिसम्बन्धि अध्यादेशमा सरकारमै रहेका दलहरुले समेत विरोध गरेका छन् । जसपा र लोसपाले समर्थन नगर्ने निर्णयसमेत गरिसकेका छन् ।
भूमिसम्बन्धि अध्यादेश अहिलेको परिस्थितीमा पारित नहुने बताउँदै उहाँले यसलाई थप व्यस्थित गरेर आवश्यक परिवर्तनहरु ल्याएरमात्रै पास गर्नु उपयुक्त हुने सुझाव दिनुभयो ।
