काठमाडौं । नेपाली कांग्रेसका केन्द्रीय सदस्य गगन थापाले विघटन गरिएको प्रतिनिधि सभा पुनस्र्थापना कांग्रेसको अबको एजेण्डा हुने बताउनुुभएको छ । उहाँले प्रधानमन्त्री केपी शर्मा ओलीको सनकको शिकार बनेको संसद् पुनःस्थापनाका लागि कांग्रेसले संघर्ष गर्ने बताउनुुभएको हो ।

संसद विघटनको विरोधमा आइतवार कांग्रेसले काठमाडौंमा आयोजना गरेको कोणसभामा नेता थापाले प्रधानमन्त्रीको सनक र लहडमा भंग भएको छ । प्रधानमन्त्रीको सनकविरुद्ध संघर्ष गर्ने उहाँको भनाइ छ ।नेता थापाले व्यवस्थामाथि आएका कालो बदल कांग्रेसको आन्दोलनका कारण हट्ने दाबी गर्नुुभयो ।

नेता थापाले संसद्बाट निर्वाचित भएकी राष्ट्रपति विद्या भण्डारी आज केपी ओली ग्याङको सदस्य बनेको आरोप लगाउनुुभयो । उहाँले संसद विघटनको आजको स्थिति आउनुमा प्रधानमन्त्री केपी शर्मा ओली मात्र नभई पुष्पकमल दाहाल प्रचण्ड र माधवकुमार नेपालको हुतिहारा प्रवृत्ति पनि दोषी रहेको टिप्पणी गर्नुुभएको छ ।