एजेन्सी । रूसको कोमी क्षेत्रको एक आवासीय भवनमा आगलागी हुँदा कम्तिमा पाँच जनाको मृत्यु भएको छ।

रुसको समाचार संस्था (तास) का अनुसार कोमी राज्यको राजधानीमा आगलागी भएको हो। आगलागीपछि घटनास्थलमा उद्धारकर्मी पुग्दा कम्तिमा पाँच जनाको मृत्यु भइसकेको थियो।

आगलागीमा परेर मृत्यु हुने सबै वयस्क रूसी नागरिक रहेका अधिकारीहरुले जनाएका छन्। प्राप्त जानकारी अनुसार स्थानीय समय अनुसार मङ्गलबार ६ बजेसम्ममा आगलागी नियन्त्रणमा आइसकेको छ।

आगलागीका कारण केही व्यक्ति घाइते भएका छन्। आगलागीले उक्त निजी आवासीय भवनको ४९ वर्गमिटर क्षेत्रमा क्षति पुगेको छ।