२०८३, श्रावण १३ गते
- यो साता चर्चामा :
काठमाडौं । नेपाली काँग्रेसको कर्णाली प्रदेशका संसदीय दलका नेता जीवनबहादुर शाहीले मुख्यमन्त्री महेन्द्रबहादुर शाहीलाई सर्मथन गर्ने कि नगर्ने भन्नेबारे निर्णय भईनसकेको जानकारी दिनुभएको छ ।
उहाँले नेकपा एमाले र माओवादी केन्द्र दुबै दलले आफुलाई सर्मथन गर्न अनुरोध गरिरहेको भएपनि अहिले नै कसलाई सर्मथन गर्ने भन्ने निर्णय भईनसकेको प्रष्ट पार्नुभयो ।
नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै नेता शाहीले प्रदेशमा काँग्रेसको संरचना पूर्ण नभएकाले कसलाई सर्मथन गर्ने त्यो निर्णय केन्द्रीय तहबाटै हुने बताउनुभयो ।
कर्णाली प्रदेश सरकारले विश्वासको मत लिन नसकेपछि मध्यावधि निर्वाचनमा जानुपर्ने स्थिती आउनसक्ने उहाँले स्पष्ट पार्नुभएको छ ।
प्रदेशमा पार्टीले पहल गर्दा नेपाली काँग्रेसको नेतृत्वमा पनि सरकार बन्न सक्ने नेता शाहीले उल्लेख गर्नुभएको छ ।
