२०८३, श्रावण ११ गते
- यो साता चर्चामा :
काठमाडौं । सरकारले १२० जना प्रतिवादी भएको १५ वटा मुद्दा फिर्ता लिएको छ । मन्त्रिपरिषद्को पछिल्लो बैठकले मुद्धा फिर्ता लिएको सरकारका प्रवक्ता एवं सञ्चारमन्त्री पार्वत गुरुङले जानकारी दिनुभयो ।
नेपाल सरकार वादी भई चलाएको फौजदारी मुद्दाहरु फिर्ता लिनेसम्बन्धी निर्देशिका २०७७ बमोजिम यो निर्णय भएको उहाँले बताउनुभयो ।
१२० जनामा टीकापुर घटनाका मुख्य आरोपी रेशम चौधरीको नाम भने छैन । पछिल्लो समय जनता समाजवादी पार्टी (जसपा)ले सत्ता साझेदारीका लागि चौधरीलगायतका बन्दीहरुको मुद्दा फिर्ता गर्न प्रधानमन्त्री केपी शर्मा ओलीसँग माग गरेको छ ।
मुद्दा फिर्ता लिएका अधिकांश मधेस आन्दोलनसँग सम्बन्धित रहेको बताइएको छ ।
यसैबीच आजै सरकारका महान्यायाधिवक्ता रमेश बडालले टीकापुर घटनामा जन्मकैदको सजाय ठहर भएका रेशम चौधरीसहितका व्यक्तिहरूको मुद्दा फिर्ता लिन नमिल्ने बताउनुभएको थियो ।
