२०८३, श्रावण ११ गते
- यो साता चर्चामा :
काठमाडौं - जनता समाजवादी पार्टी (जसपा)ले अध्यक्ष महन्थ ठाकुर र संसदीय दलका नेता राजेन्द्र महतोसहित चारजना नेतालाई २४ घण्टे स्पष्टीकरण सोधेको छ ।
अध्यक्ष ठाकुर, नेताहरु महतो, लक्ष्मणलाल कर्ण र सर्वेन्द्रनाथ शुक्लालाई २४ घण्टाभित्र स्पष्टीकरण बुझाउन केन्द्रीय कार्यालय प्रमुख प्रकाश अधिकारीले पत्र काटेका छन् । अधिकारी अर्का अध्यक्ष उपेन्द्र यादव पक्षका हुन् ।
यसअघि जेठ ८ गते सोधेको स्पष्टीकरणको जवाफ नआएको भन्दै स्पष्टीकरण नदिए राजनीतिक दलसम्बन्धी ऐन र जसपाको विधानअनुसार कारबाही गर्ने पत्रमा उल्लेख छ ।
यसअघि, पार्टी विभाजनको संघारमा पुगेको जसपा पुनः एकता हुने संकेत देखिएको थियो । गत हप्ता मात्रै अध्यक्षद्वय ठाकुर र यादवले संयुक्त वक्तव्य जारी गरेपछि यस्तो संकेत दिएका थिए ।
तर, पछि फेरि ठाकुर समूहले प्रधानमन्त्री केपी शर्मा आलीलाई समर्थन गर्ने निर्णय गरेसँगै जसपामा देखिएको विवाद पुनः चुलिएको छ ।
