२०८३, श्रावण ११ गते
- यो साता चर्चामा :
काठमाडौँ – नेपाली कांग्रेसका उपसभापति विमलेन्द्र निधिले पार्टीको १४ औं महाधिवेशनलाई लक्षित गरी सम्पर्क कार्यालय खोल्नुभएको छ।
१४ औँ महाधिवेशनमा सभापतिमा उम्मेदवारी दिने घोषणा गर्नुभएका निधिले नियमित भेटघाट र महाधिवेशनसँग सम्बन्धित गतिविधि गर्नका लागि सम्पर्क कार्यालय खोल्नुभएको हो।
निधिले नयाँ बानेश्वरस्थित बानेश्वर ब्यांकेटमा सम्पर्क कार्यालय राख्नुभएको छ। उहाँले शुक्रबार अपरान्ह सम्पर्क कार्यालय उद्घाटन गर्ने गर्ने तयारी गर्नुभएको छ।
संस्थापन समूहमा रहेका उपसभापति निधिले सभापतिका लागि लामो समयदेखि तयारी अगाडि बढाउनुभएको छ। उहाँले सभापति शेरबहादुर देउवासँग सहयोगका लागि आग्रह गरिसक्नुभएको छ भने संस्थापनइतर समूहका सभापतिका आकांक्षीसँग पनि निरन्तर संवाद गर्दै आउनुभएको छ।
सर्वसम्मत उम्मेदवार चयन हुने अवस्था नभए आफू सभापतिको उम्मेदवारबाट पछि नहट्ने निधिले बताउँदै आउनुभएको छ।
