काठमाडौँ – नेकपा एमालेका अध्यक्ष केपी शर्मा ओलीले अहिलेको सत्तारुढ गठबन्धनलाई पानीमुनि गए पनि ठेगान लगाउने चेतावनी दिनुभएको छ । आज भक्तपरमा आयोजित एककार्यक्रममा ओलीले गठबन्धनको आयु १ वर्षको मात्रै भएको पनि बताउनुभयो ।

‘चुनाव छिट्टै आउँदै छ । चुनावले नतिजा देखाउने छ,’ उहाले भन्नुभयो, ‘पानी मुनि गए पनि यो स्वार्थी गठबन्धन बच्न सक्ने छैन।’

सरकार जिउँदो देखिए पनि चटपट पनि नगरेको ओलीले टिप्पणी गर्नुभयो । ‘वर्तमान सरकार चलिरहेको छैन । यो सरकारले काम गरिरहेको छैन। सरकार जिउँदै छ तर सरकार चटपटाउँदैन अलि चटपटायो भने उपद्रो गर्छ,’ ओलीले भन्नुभयो, ‘हामी सरकारमा हुँदा यो गठबन्धनले कुप्रचार गरेर हैरान पाथ्र्यो । अहिले आन्तरिक किचलो मै रुमल्लिएको छ।’

अहिलेको गठबन्धन सरकारका कारण मुलुक चरम आर्थिक संकटतर्फ गइरहेको भन्दै ओलीले यो डरलाग्दो अवस्था रहेको बताउनुभयो ।

उहाँले कुख्यता भ्रष्टाचारी सरकारका मानिसहरु आफ्ना विरुद्ध उजुरी लिएर अख्तियारमा गएको पनि ओलीले आरोप लगाउनुभयो । संसदबाट नसकेर अदालतमा गएर आफूलाई सरकारबाट हटाएको चर्चा गर्दै ओलीले मुद्दा जितेर सरकार निर्माण गरेको पनि बताउनुभयो ।