२०८३, श्रावण ११ गते
- यो साता चर्चामा :
एजेन्सी । बलिउड अभिनेता सञ्जय दत्तलाई शनिबार साँझ लीलावटी अस्पतालमा भर्ना गरिएको छ । छाती र अक्सिजनको मात्रामा समस्या देखिएपछि उनलाई अस्पताल लगिएको हो ।
६१ वर्षीय दत्तलाई अस्पताल लग्नेबितिकै (र्यापिड एन्टिजेन) परीक्षण गरी कोरोना परीक्षण गरिएकामा रिपोर्ट नेगेटिभ आएको छ । त्यसपछि गरिएको आरटी-पीसीआर परीक्षण पनि नेगेटिभ आएको चिकित्सकले पुष्टि गरेका छन् ।
सञ्जयको मेडिकल प्यारामिटर र अक्सिजन स्तर किन खस्केको भनेर थाहा पाउन अझै थप केही परीक्षण गर्न बाँकी रहेको उनको उपचार गरिरहेका डा. जलिल पारकरले बताएका छन् ।
डा. जलिल पारकर स्वयं गत माहिनामात्रै कोरोना संक्रमण मुक्त भएर नियमित काममा फर्किएका चिकित्सक हुन् । सञ्जयलाई (इन्टेन्सिभ केयर) मा भर्ना गरिएको तर स्वास्थ्य अवस्था स्थिर रहेको उपचारमा संलग्न चिकित्सकहरुले जनाएका छ्न् ।
अभिनेता स्वयंले पनि ट्विटरमार्फत आफ्नो स्वास्थ्य स्थिर रहेको र कोरोनाको रिपोर्ट नेगेटिभ आएको जानकारी दिएका छन् । उनले लेखेका छन्, “सबैमा जानकारी दिन चाहन्छु कि मेरो स्वास्थ्य अवस्था ठीक छ, र मेरो कोरोना रिपोर्ट पनि नेगेटिभ आएको छ ।
लीलावती अस्पतालका डाक्टर, नर्स र अन्य कर्मचारीहरुको हेरचाहले छिटै घर फर्किनेछु । तपाईंहरुको आशीर्वाद र प्रार्थनाका लागि धन्यवाद ।” (इन्डियन एक्सप्रेस)
