काठमाडौं । आईसीसी पुरुष क्रिकेट विश्व कप लिग दुई अन्तर्गतको आयोजक युएईले नेपाललाई २ सय ३ रनको लक्ष्य दिएको छ ।

दुबई क्रिकेट रंगशालामा टस हारेर पहिले ब्याटिङ गरेको युएईले निर्धारित ५० ओभरमा ९ विकेट गुमाउदै २ सय २ रन जोड्यो ।

युएईका लागि रोहन मुस्तफाले सर्वाधिक ६० रनको योगदान गरे । मुस्तफाले ५० औं एकदिवसिय खेलमा एक हजार रन समेत पुरा गरेका छन् ।

ओपनर मुहम्मद रिजवानले ३३ रन जोडे । चिराग सुरीले २६ रनको योगदान गरे ।

भृत्या अरविन्दले २४ रन जोडे । बसिल हमिद १७ रनमा आउट भए । करण केसी र सोमपाल कामीले समान दुई विकेट हात पारे ।

आरिफ शेख र दिपेन्द्र सिंह ऐरीले एक–एक विकेट लिए ।