२०८३, श्रावण १३ गते
- यो साता चर्चामा :
काठमाडौं । आफू करिब २५ हजार मतान्तरले पछि परेपछि काठमाडौं महानगरपालिकाका गठबन्धनका उपमेयरका उम्मेदवार रामेश्वर श्रेष्ठले पुनः मतगणनाको माग गरेका छन् ।
उपमेयर पदमा नेपाली कांग्रेसको चुनाव चिन्ह रूख र एकीकृत समाजवादीको कलम चिन्हमा गरिएको मत संकेतलाई सदर मान्नुपर्ने जिकिरसहित उनले मुख्य निर्वाचन अधिकृतको कार्यालयमा निवेदन दिएका हुन् ।
काठमाडौं महानगरपालिकाका मुख्य निर्वाचन अधिकृत राजकुमार खतिवडाले मतगणना दोहो¥याएर गर्न मागसहितको श्रेष्ठको निवेदन परेको बताए ।
काठमाडौं महानगरपालिका उपप्रमुखको ठूलो संख्यामा मत बदर भएको छ । आइतबार दिउँसोसम्म मात्र उपप्रमुखमा ३६ हजार मत बदर भएको थियो । तीमध्ये ५० प्रतिशत रुख र कलम दुवैमा मत संकेत गरिएका छन् ।
