२०८३, श्रावण ११ गते
- यो साता चर्चामा :
काठमाडौं — स्थानीय तह निर्वाचन प्रचारप्रसारको क्रममा बालेन्द्र शाहलाई आशिर्वाद दिएको भन्दै चर्चा बटुलेका काठमाडौं महानगरपालिका नेकपा एमालेको तर्फबाट मेयरमा उम्मेदवार केशव स्थापितले पुनः शुभकामना दिएका छन् ।
नवनिर्वाचित मेयर साहलाई शुभकामना दिँदै स्थापितले काठमाडौंको विकास र समृद्धिमा चाल्ने सकारात्मक कदममा सहयोग गर्ने बताएका छन् ।
चुनावको अन्तिम परिणाम सार्वजनिक भएपछि शुक्रबार विज्ञप्ति प्रकाशित गर्दै साहले विपक्षी मतदाताको मन जित्ने काम गर्ने अपेक्षा लिएको बताएका छन् ।
वैशाख ३० गते भएको स्थानीय तह चुनावमा स्वतन्त्र उम्मेदवार साह ६१ हजार ७ सय ६७ मत प्राप्त गरी विजयी भएका थिए । उनका निकटतम प्रतिद्वन्द्वी नेपाली कांग्रेसकी सिर्जना सिंह रहिन् भने एमालेका स्थापित तेस्रो भएका छन् ।
