काठमाडौं । देशभर पछिल्लो २४ घण्टामा थप २३ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १ हजार २५४ जनाको पीसीआर परीक्षणमा १८ जना र ७७३ जनाको एन्टीजेन परीक्षणमा ५ जना गरी २३ जनामा संक्रमण पुष्टि भएको हो ।
पछिल्लो २४ घण्टामा कोरोनाबाट १२ जना निको भएका छन् भने कसैको मृत्यु भएको छैन । हाल देशभर १०८ जना सक्रिय संक्रमित रहेका छन् । जसमध्ये २ जना होम आइसोलेसनमा रहेका छन् ।
आइतबार(आज) थपिएसँगै नेपालमा कोरोना संक्रमितको कुल संख्या ११ लाख १९ हजार ७३९ पुगेको छ । ती मध्ये ११ हजार ९५२ जनाको मृत्यु भएको छ भने ९ लाख ६७ हजार ३०० जना संक्रमणमुक्त भएका छन् ।
