काठमाडौं । निगमका निर्देशक थानीको दाबी ग्यासमा छिटै दुईथरि मूल्य तोक्छौँ
काठमाडौं । नेपाल आयल निगमका कार्यकारी निर्देशक उमेशप्रसाद थानीले खाना पकाउने ग्यासमा छिटै दुईथरि मूल्य तोक्ने बताउनुभएको छ ।
इन्धनमा भएको मूल्यवृद्धिबारे जानकारी दिन सोमबार आयोजित पत्रकार सम्मेलनमा उहाँले ग्यासमा घरायसी र औद्योगिक प्रयोजनका लागि अलग अलग मूल्य तोक्ने बताउनुभयो ।
‘हामी एकदमै चाँडो ग्यासको दोहोरो मूल्यमा जान्छौँ, दोहोरो मूल्य गरेर औद्योगिक प्रयोजनमा त परल मूल्यमा जाने र घरायसी प्रयोजनमा सहुलियत दिने’ उहाँले भन्नुभयो ।
औद्योगिक प्रयोजन र घरायसी प्रयोजनको ग्यास सिलिन्डर चिन्न सिलिन्डरको आकार, ग्यासको गन्ध र सिलिन्डरको रङ पनि फरक बनाउने थानीले बताउनुभएको छ ।
