काठमाडौं । जनता समाजवादी पार्टी छाडेर नेपाल समाजवादी पार्टी गठन गरेका पूर्वप्रधानमन्त्री डा.बाबुराम भट्टराईले नेपालको राजनीतिमा आफूहरूले दुई-तीनवटा प्रयोग गरेको, तर यसले मात्र परिणाम दिन नसकेको बताउनुभएको छ ।
नेपाल समाजवादी पार्टीको केन्द्रीय समिति बैठकलाई शनिबार सम्बोधन गर्दै उहाँले नेपालजस्तो भूराजनीतिक जटिलता भएको देशको राजनीतिमा धेरै परीक्षणहरू गर्नुपर्ने धारणा राख्नुभयो।
भट्टराईले आफूहरूले फेरि अप्ठेरो बाटो हिँड्ने हिम्मत गरेको बताउनुभएको छ।
भट्टराईले सजिलो बाटो त जो पनि हिँड्न सक्ने भन्दै समस्या समाधानका लागि अप्ठेरो बाटो हिँड्नुपर्ने बताउनुभयो ।
पूर्वप्रधानमन्त्री डा.भट्टराईले जनता समाजवादी पार्टीलाई रूपान्तरण गर्ने आफूहरूको प्रयास असफल भएको बताउनुभयो । जसपा पुरानै र क्षेत्रीय पार्टी नै बन्न चाहेको बताउनुभयो ।
