पहिलो टी–ट्वान्टी क्रिकेटमा इङ्ल्याण्डले अष्ट्रेलियामाथि २ रनको रोमाञ्चक जित दर्ता गरेको छ । जितसंगै तीन म्याचको सिरिजमा घरेलु टोली इङ्ल्याण्ड १–० ले अग्रता बनाएको छ ।

१ सय ६३ रनको लक्ष्य पछ्याएको अष्ट्रेलियाले ६ विकेट गुमाएर १ सय ६० रन मात्र बनाउन सक्यो । ओपनरद्धय डेबिड वार्नरले ५८ र आरोन फिन्चले ४६ रन बनाए पनि मध्य र तल्ला क्रममा ब्याट्सम्यान चल्न नसक्दा अष्ट्रेलियालाई जित दिलाउन सकेनन् ।

यसअघि पहिले ब्याटिङ गरेको इङ्ल्याण्डले ७ विकेट गुमाएर १ सय ६२ रन बनाएको थियो। डविड मलानले ६६ रन बनाएको इनिङ्समा जोस बटलरले ४४ रनको योगदान दिएका थिए। यी दुई टोली बीचको दोस्रो खेल भोलि सोही मैदानमा खेलिने छ ।