२०८३, श्रावण ११ गते
- यो साता चर्चामा :
एजेन्सी । युइएफए नेशन्स लिगअन्तर्गत गएराति भएको खेलमा इटाली घरेलु मैदानमा बोस्निया एन्ड हर्जगोभिनासँग १–१ गोलको बराबरीमा रोकिएको छ ।
साविक उपविजेता नेदरल्याण्ड्सले भने पोल्याण्डविरुद्ध १–० को कठिन जित हात पारेको छ ।
लिग एअन्तर्गत समूह एकको खेलमा इडेन जेकोले ५७ औं मिनेटमा गोल गर्दै बोस्नियालाई पहिले अग्रता दिलाएका थिए । तर, ६७ औं मिनेटमा स्टेफानो सेन्सीले इटालीका लागि बराबरी गोल फर्काएका थिए ।
लिग एको समूह एकको अर्को खेलमा नेदरल्याण्ड्सका लागि स्टेफेन बर्गविनले खेलको ६१ औं मिनेटमा निर्णायक गोल गरे । त्यो नै निर्णायक बन्न पुग्यो ।
बराबरीमा रोकिएपछि इटाली र बोस्नियाले अंक बाँडेका छन् भने नेदरल्याण्डले तीन अंक हात पारेको छ । पोल्याण्ड भने अंकविहीन छ ।
