काठमाडौं । लकडाउन अवधिभर थपघट हुँदै आएको सुनको मूल्य आइतबार पनि घटेको छ। गत शुक्रबारको तुलनामा सुन तोलाको ३ सय रुपैयाँ घटेर ९६ हजार १ सय रुपैयाँ कायम भएको हो ।

छापावाल सुन शुक्रबार तोलाको ९६ हजार ४ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । छापावल सुन सस्तो बन्दा तेजाबी सुन पनि ३ सय रुपैयाँले नै घटेर तोलाको ९५ हजार ६ सय रुपैयाँ कायम भएको छ ।

आइतबारको सुनको मूल्य साउन २८ गतेयताकै सबैभन्दा कम हो । सुन घट्दा चाँदी भने १० रुपैयाँले महँगो बनेर तोलाको १३ सय २० रुपैयाँ कायम भएको महासंघले जनाएको छ।