काठमाडौं । लकडाउन यता घटबढ भइरहेको सुनको मुल्य नेपाली बजारमा आज (शुक्रबार) पनि घटेको छ। छापावाल सुन बिहीबार ९६ हजार ८ सयमा कारोबार भएकोमा शुक्रबार ३ सयले घटेर ९६ हजार ५ सय कायम भएको छ।

नेपाल सुनचाँदी व्यवसायी महासंघका अनुसार सुन तोलाको ३ सयले घट्दा चाँदी १५ रुपैयाँले सस्तिएको हो। तेजाबी सुन तोलाको ९६ हजार रुपैयाँमा झरेको छ । चाँदी भने तोलाको १३ सय १० रुपैयाँमा किनबेच भइरहेको छ । बिहीबार चाँदीको मूल्य १३ सय २५ रुपैयाँ प्रतितोला कायम थियो।