काठमाडौं । प्रधानमन्त्री पुष्पकमल दाहाल प्रचण्डले पुस २६ गते प्रतिनिधिसभामा विश्वासको मत लिनु हुने भएको छ । प्रतिनिधिसभाको पहिलो बैठक २५ गते बस्दै छ ।

प्रधानमन्त्री प्रचण्डले संसद्का महासचिवलाई सम्बोधन गर्दै विश्वासको मत लिने प्रयोजनका लागि व्यवस्था मिलाइदिन अनुरोध गर्नुभएको छ ।

उहाँले २६ गतेको बैठकमा विश्वासको मत लिने कार्यसूची राखिदिन महासचिवलाई आग्रह गर्नुभएको छ । प्रधानमन्त्री प्रचण्डले पुस ११ गते शपथ लिनुभएको थियो । विश्वासको मत पाएपछि मात्र उहाँले मन्त्रिपरिषद् विस्तार गर्ने बताउँदै आउनुभएको थियो ।