काठमाडौं । त्रिभुवन विश्वविद्यालय (त्रिवि) ले चालू परीक्षा नरोकिने जनाएको छ । पोखरामा भएको हवाई दुर्घटनामा सरकारले माघ २ गते देशभर शोक बिदा दिए पनि त्रिविको परीक्षा नरोकिने जनाएको छ ।
त्रिविको मानविकी तथा समाजशास्त्र संकायका डिन प्रा.डा. कुसुम शाक्यले मानविकी संकायले सञ्चालन गरेको परीक्षा माघ २ गते नरोकिने बताउनुभयो । उहाँले आइतबार सूचना जारी गर्दै माघ २ गते सरकारले पोखरामा भएको हवाई दुर्घटनामा शोक बिदा दिए पनि मानविकी संकायद्वारा प्रकाशित गरिएको परीक्षा तालिका अनुसार नै स्नातकोत्तर तह चौथो सेमेष्टरको परीक्षा सञ्चालन हुने जानकारी दिनुभयो ।
