२०८३, श्रावण १४ गते
- यो साता चर्चामा :
काठमाडौं । चर्चित गायक एवं सर्जक जेबी ओलीको यथार्थपरक नयाँ गीत “राजा मार्ने देश” सार्वजनिक भएको छ । यस गीतमा जबी ओलीको शब्द, संगीत र स्वर रहेको छ ।
गीतमा राज परिवारको हत्या भएको, मदन भण्डारी र जीवराज आश्रीतको हत्या भएको, माओवादीसँगको युद्धमा १७ हजार मारिएको, बाह्र भाईको देश, निर्मला पन्त र भागीरथी भट्टको हत्यारा पत्ता नलागेको, राम्रो मान्छेको प्रशंसा नभएर खुट्टा तान्ने प्रवृत्ति गरेको, केही गर्छु भन्नेलाई सिध्याउने गरेको कुराहरुलाई समावेश गरिएको छ ।
गीतको भिडियोमा जेबी ओलीले नै निर्देशन गरेका छन् भने दुर्गा पौडेलको छायांकन र नविन घर्ती मगरको सम्पादन रहेको छ । उक्त गीतको भिडियोमा सुरवीर पण्डित (दाह्री बा), रश्मी भट्ट, आयुशा गौतम, आशिका गौतम, आरुष भुसाल, भुवन खत्री, होम सिंह विश्वकर्माको अभिनय रहेको छ ।
यस गीतलाई जेबी ओली कै युटुब च्यानलबाट सार्वजनिक गरिएको हो ।
सोही गीतको भिडियो हेर्न तलको लिंक क्लिक गर्नुहोला ।
