२०८३, श्रावण १० गते
- यो साता चर्चामा :
काठमाडौं । सत्तारूढ नेपाल कम्युनिष्ट पार्टी (नेकपा)का अध्यक्षद्धय केपी शर्मा ओली र पुष्पकमल दाहाल प्रचण्डबीचको भेटवार्ता सएिको छ । प्रधानमन्त्री निवास बालुवाटारमा भएको भेटवार्तामा मन्त्रिमण्डल पूनर्गठनबारे ठोस सहमति हुन नसकेको बताइएको छ ।
प्रधानमन्त्री ओलीले कार्यसम्पादन राम्रा भएका मन्त्रीहरुलाई हटाउन नहुने अडान लिएको तर, प्रचण्डले अधिकांशलाई हटाउनुपर्ने बताएको बालुवाटार स्रोतले जनाएको छ ।
स्रोतका अनुसार राष्ट्रियसभा सदस्यहरु वामदेव गौतम र नारायणकाजी श्रेष्ठलाई पनि मन्त्री बनाउनुपर्ने प्रचण्डको अडान छ ।
हालै बसेको नेकपा सचिवालय बैठकले मन्त्रिमण्डल पूनर्गठन र पार्टी एकताका बाँकी काम सम्पन्न गर्न अध्यक्षद्धय ओली र प्रचण्डलाई जिम्मेवारी दिएको छ ।
उनीहरुबीच विगत केही दिनयतादेखि सहमति जुटाउने प्रयास भइरहेको छ । तर, त्यो सफल हुन सकेको छैन ।
