काठमाडौं । बाराको सिम्रौनगढ नगरपालिका–८ मा रहेको जनता माविको भवन निर्माणमा साढे ६ लाखभन्दा बढी भ्रष्टाचार भएको पाइएको छ। भ्रष्टाचार गरेको आरोपमा अख्तियार दुरुपयोग अनुसन्धान आयोगले विशेष अदालतमा ५ जनाविरुद्ध मुद्दा दायर गरेको छ।
अख्तियारले आइतबार(आज) सिम्रौनगढ नगरपालिकाका तत्कालीन प्रमुख प्रशासकीय अधिकृत विश्वराज मरासिनी, खेला अधिकृत सर्मेन्द्रप्रसाद चौधरी, जनता माविको भवन निर्माण समितिका अध्यक्ष रामबाबुप्रसाद यादव, सचिव रामाकान्तप्रसाद र कोषाध्यक्ष किरणदेवी यादव विरुद्ध मुद्दा दायर गरेको हो।
उनीहरू विरुद्ध ६ लाख ५८ हजार ४४० रुपैयाँ बिगो माग दाबी गरिएको छ।
