एजेन्सी । पैसा दिएर टिआरपी (टेलिभिजन रेटिङ प्वाइन्ट्स) बढाएको आरोपमा भारतको रिपब्लिकन टिभीका सञ्चालक एवं कार्यक्रम प्रस्तोता अर्नब गोस्वामीमाथि मुद्दा दायर गरिने भएको छ ।

गोस्वामीको रिपब्लिक टिभीले पैसा दिएर टिआरपी बढाएको आरोप लागेको हो । मुम्बई प्रहरीले गोस्वामी रिपब्लिक टिभीसहित तीन च्यानलमाथि पैसा दिएर टिआरपी बढाएको जनाएको छ ।

मुम्बई प्रहरीका अनुसार उसले न्यूज च्यानलहरुले पैसा दिएर टिआरपी बढाउने गरेको एउटा यस्तो ¥याकेटको पर्दाफाश गरेको छ ।

मुम्बई प्रहरीका कमिश्नर परमवीर सिंहले बिहीबार पत्रकार सम्मेलन गरी यसको खुलासा गरेको भारतीय सञ्चारमाध्यहरुले जनाएका छन् । जसमा पहिलो चरणमा गोस्वामीको रिपब्लिक टिभीसहित तीनवटा च्यानल रहेको उसले जनाएको छ ।

रिपब्लिकन टिभीले भने आरोपको अस्वीकार गरेको छ । च्यानलका सम्पादक गोस्वामीले आफ्नो तर्फबाट विज्ञप्ति निकाली मुम्बई प्रहरीले झूठो आरोप लगाएको दाबी गरेका छन् ।

सुशान्त सिंह राजपुतको मुद्दामा प्रहरीमाथि प्रश्न उठाइएकाले आफ्नो टिभीमाथि निशाना बनाएको गोस्वामीको तर्क छ ।