काठमाडौं । राष्ट्रिय स्वतन्त्र पार्टी (रास्वपा)ले केन्द्रीय समितिको बैठक बोलाएको छ। बैठक सोमबार दिउँसो १२ बजे पार्टी मुख्यालय बालाजुमा बस्ने रास्वपाले जनाएको छ।
प्रतिनिधि सभाको इलाम–२ र प्रदेश सभाको बझाङ–१ मा आगामी वैशाख १५ गते हुने उपनिर्वाचनको तयारीको विषयमा बैठकमा छलफल हुनेछ।
रास्वपा चार वटा मन्त्रालय सहित नयाँ गठबन्धनको सरकारमा सहभागी भएको छ। रास्वपाले इलाम-१ को चुनावको तयारीबारे छलफल चलाइरहेको छ।
