२०८३, श्रावण १० गते
- यो साता चर्चामा :
काठमाडौं । कार्यक्रमको सिलसिलामा सिन्धुलीमा रहेका बागमती प्रदेशका मुख्यमन्त्री शालिकराम जम्कट्टेल बिरामी हुनुभएको छ । उहाँको सप्रश्वाससम्बन्धी समस्या देखिएको बताइएको छ ।
मुख्यमन्त्री जम्कट्टेलको स्वास्थ्य गम्भीर देखिएपछि काठमाडौं ल्याउन सेनाको हेलिकोप्टर पठाइएको गृह मन्त्रालयका प्रवक्ता नारायणप्रसाद भट्टराईले जानकारी दिनुभयो । उहाँको प्रेसर पनि अत्यधिक लो रहेको बताइएको छ ।
सेनाको हेलिकोप्टरले उहाँलाई काठमाडौं ल्याएर नर्भिक अस्पतालमा उपचार गर्ने तयारी भइरहेको छ । त्यसअघि उहाँको स्थानीय अस्पतालमा प्राथमिक उपचार भइरहेको जनाइएको छ ।
मुख्यमन्त्री जम्कट्टेल खानेपानी आयोजना उद्घाटनका लागि सिन्धुली हुँदै रामेछाप जाँदै हुनुहुन्थ्यो ।
