काठमाडौँ – नेपालमा कोरोना संक्रमणबाट निको हुनेको संख्या २ लाख ५४ हजार नाघेको छ ।

आज थप ६३७ जना संक्रमित डिस्चार्ज भएसँगै निको हुनेको कुल संख्या २ लाख ५४ हजार ४ सय ९४ पुगेको स्वास्थ्य तथा जनसंख्या मन्त्रालयले जनाएको छ । यस्तै आज थप ४ सय २१ जनामा संक्रमण पुष्टि भएको छ ।

यससँगै देशभर संक्रमितको कुल संख्या २ लाख ६१ हजार ८५९ पुगेको छ । हाल देशभर ५ हजार ४ सय ८७ जना सक्रिय संक्रमित रहेका छन् भने गत २४ घन्टामा ५ हजार ८०० पीसीआर परीक्षण भएको छ ।

यस्तै नेपालमा पछिल्लो २४ घण्टामा थप ८ जना कोरोना संक्रमितको मृत्यु भएको छ ।

यससँगै देशभर कोरोनाबाट मृत्यु हुनेको संख्या १ हजार ८ सय ७८ पुगेको छ ।