एजेन्सी । दक्षिण अमेरिका फुटबल महासंघले २०२२ को कतार विश्वकपअन्तर्गत दक्षिण अमेरिकी छनोट फुटबल प्रतियोगितामा सहभागी हुने खेलाडी अनिवार्य रूपमा १० दिन क्वारेन्टिनमा बस्नुपर्ने जनाएको छ ।

यो नियम लागू भएपछि युरोपियन फुटबलमा व्यावसायिक खेल खेलिरहेका दक्षिण अमेरिकी खेलाडीले छनोट चरणमा प्रतिस्पर्धा गर्नुअघि क्वारेन्टाइनमा बस्नुपर्ने भएको छ ।

महासंघले विज्ञप्ति जारी गर्दै मार्च महिनामा हुने विश्वकप छनोटको मितिअघि नै स्वेदश फर्किन खेलाडीहरूलाई आग्रह गरेको छ ।