काठमाडौं । नेकपाको दाहाल–नेपाल समूहका अध्यक्ष माधवकुमार नेपालले सेनाका बख्तरबन्द गाडी चक्रपथमा घुमाउँदैमा प्रधानमन्त्रीसँग कोही नडराउने बताउनुभएको छ ।

नेता नेपालले चोइटिएको ओली समूहको इसारामा हुने कुनै पनि कामबाट नडराइने बताउनुभयो । ‘सडकमा आर्मीका बंकर प्रदर्शन गरे पनि कोही तर्सिनेवाला छैन,’ नेता नेपालले भन्नुभयो । ओलीले विधि र पद्धति मिच्दा आजको अवस्था आइलागेको पनि उहाँले बताउनुभयो ।

‘केपी ओली विधि, पद्धति र विचारबाट विचलित भएर एक झुण्डको नेतृत्वमा छन् । त्यो पार्टीलाई बालकोटमा लगेर चलाए हुन्छ ।’

बिहीबार गरिएको आमहडतालका क्रममा दमन भएको पनि उहाँले विरोध गर्नुभएको छ । ओलीको निर्देशनमा प्रहरीले ज्यादती, दमन र निरंकुशता देखाएको आरोप लगाउनुभएको छ ।