२०८३, श्रावण १३ गते
- यो साता चर्चामा :
काठमाडौं । प्रतिनिधिसभा विघटनविरुद्धको रिटमा सर्वोच्च अदालतमा आइतबारदेखि रिट निवेदकले जवाफ दिने भएका छन् ।
कानुन व्यवसायीहरुको बहस सकिएकाले आइतबारदेखि रिट निवेदकहरुले जवाफ दिने सर्वोच्चले जनाएको छ ।
प्रधानमन्त्रीको तर्फबाट अर्थात् रिटकोविरुद्धमा गत माघ १९ गतेदेखि बहस सुरु भएको थियो । आइतबार रिट निवेदकहरुले सरकारी पक्षबाट उठेका प्रश्नको जवाफ दिनेछन् ।
रिट निवेदकको तर्फबाट बहस सकिएपछि एमिकस क्युरीको बहस सुरु हुनेछ । प्रतिनिधिसभा विघटनविरुद्धको रिटमा अबको एक हप्ताभित्र फैसला आउने सम्भावना रहेको सर्वोच्च अदालतले जनाएको छ ।
गत पुस ५ गते प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले प्रतिनिधिसभा विघटन गरेपछि त्यसको खारेज र संसद् पुनःस्थापनाको माग राखेर सर्वोच्चमा १३ वटा रिट परेका छन् ।
